A Sent Cibran, lo talhièr d’occitan, reunis dins la bona umor, lo monde d’aicí e d’endacòm mai que vòl comprendre, parlar e escriure aquela bèla lenga. L’i cresèm ! ! !
E cada dimarç, los amics se tornan trobar emb lo Sèrgi e lo Peire. Es aital que lo detz d’aqueste mes de mai, nosautres, nos sèm amassats per una taulada chas lo Felip.
Tot a l’entorn de sa maison, i aviá un pradèl plan polit emb qualques garrics centenaris e aquí, avèm començat per beure l’aperitíu : nonmàs un petit còp de vin rosat ben fresc ! Pas tròp tot parièr ! Nos caliá tornar menar la vatura !
Puèi, lo Sèrgi deguèt s’en tornar chas el e nos daissèt. Qual pecat ! Segur que auriá ajut fòrça istòrias interessantas a contar, vertadièras o pas !
Del temps que barbacaviam, lo solelh s’èra amagat e la frescor se fasiá sentir. Endonc, lo Felip nos faguèt dintrar dins una granda sala plan restaurada. De pinturas d’artistas que demoran empr’aquí, ondravan los murs. Felip e Cristiana, sa femna, avián far lo sopar e qu’èra mai que bon !
_ Cabecon sus rondèla d’ananàs
_ Cruditats emb vinagreta
_ Rostit de tesson emb sa salsa de godarels
_ Crosta dalfinenca
_ Formatges
_Ensalada de frucha
Quò fuguèt una brava serada ! Cadun forquetejava e platussava. Puèi quò fuguèt istòrias polidas, poèmas, cançons... E de segur, tot aquò en occitan ! Es aital qu’escoterèm l’Odeta que legiguèt « Meyrals » del Doctor Boissel e quò fuguèt un plaser d’auvir las seunas poesias : « lo païsan », « ma Dordonha »... Lo Peire, d-el, recitèt « lou fouillordairé ». E quitament, lo Felip contèt « lo verme e lo petit ausel » ! Nos sèm gorjonats de rire !
Per acabar la velhada, avèm begut un gòt de cafè e d’unes que i a apondèron un pauc de nhòla soissa... Endonc, tota l’amassada se botèt a cantar lo « Se canta » !
« De segur, tornarem començar !!! »
|
A Saint-Cyprien, l’atelier d’occitan, réunit dans la bonne humeur, les gens d’ici ou d’ailleurs qui veulent comprendre, parler et écrire cette belle langue. On y croit ! ! !
Et chaque mardi, les amis se retrouvent avec Serge et Pierre. C’est ainsi que le dix de ce mois de mai, nous, nous sommes rassemblés pour un repas chez Philippe.
Tout autour de sa maison, il y avait un joli petit pré avec quelques chênes centenaires et là, nous avons commencé par boire l’apéritif : seulement un petit coup de vin rosé bien frais ! Pas trop tout de même ! Il nous fallait ramener la voiture !
Puis, Serge dut repartir chez lui et il nous quitta. Quel dommage ! Sûrement qu’il aurait eu plein d’histoires intéressantes à raconter, véridiques ou pas !
Pendant que nous bavardions, le soleil s’était caché et la fraîcheur se faisait sentir. Alors, Philippe nous fit entrer dans une grande salle bien restaurée. Des peintures d’artistes qui habitent les environs, décoraient les murs. Philippe et Christiane, sa femme, avaient fait le dîner et c’était excellent !
_ Cabécou sur rondelle d’ananas
_ Crudités avec vinaigrette
_ Rôti de porc avec sa sauce de champignons
_ Gratin dauphinois
_ Fromages
_ Salade de fruits
Ce fut une belle soirée ! Chacun y allait de sa fourchette et bavardait. Puis, ce furent de jolies histoires, des poèmes, des chansons... Et bien sûr, tout ça en occitan ! C’est comme ça que nous écoutâmes Odette qui lut « Meyrals » du Docteur Boissel et ce fut un plaisir d’entendre ses propres poèmes : « le paysan », « ma Dordogne »... Pierre, lui, récita « lou fouillordairé ». Et même Philippe conta « le ver et le petit oiseau » ! Nous nous sommes étranglés de rire !
Pour finir la veillée, nous avons bu le café et certains ajoutèrent un peu d’eau de vie suisse... Alors, toute l’assemblée se mit à chanter le « Se canta » !
C’est sûr, nous recommencerons ! |
